Дождот во охридско предизвикал кинење на проводниците во снабдувањето со струја

Охрид, 03. февруари 2015 (ОХРИДПРЕС) – Големото невреме проследено со врнежи од снег, дожд и ветер кое ја зафати земјава, предизвика прекини во снабдувањето со електрична енергија во Струга и Охрид.

Во Охрид силниот ветер, влажниот снег и обилните дождови предизвикаа кинење на проводниците и прекини во снабдувањето со електрична енергија, информираат од ЕВН Македонија.

– Екипите на ЕВН Македонија отстранија поголем дел од дефектите и работат на санирање на дефектите во населените места кои се наоѓаат на повисоките планински предели во струшкиот, охридскиот, ресенскиот и кичевскиот регион, додаваат од ЕВН.

Екипите на ЕВН Македонија ќе останат на терен се додека не се воспостави нормално снабдување за сите корисници. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука