Членови на „Зш Точак“ повторно ќе се искачуваат на Олимп
Охрид, 24. септември 2015 (ОХРИДПРЕС) – И оваа година младите авантуристи и љубители на планинарењето и екстремните спортови од Охрид ќе се искачуваат на планината Олимп во Грција.
Во сабота, 26-ти септември, дел од екипата на Здружението за велосипедизам, „З’ш“ Точак традиционално ќе го искачува Олимп, врвот Митикас, кој е висок 2918 метри надморска височина.
Искачувањето ќе биде преку Лауки рутата и кружно симнување од Скула. Членовите на „Зш Точак“ се надеваат дека временските услови ќе ги послужат за успешно реализирање на турата.
И минатата година во истиот период, членови на ова охридско велосипедско здружение се искачуваа на Олимп. (Крај)
извор: ОхридПрес фото: Zs Tocak
@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука |