ohridvo10logo

„Охрид во 10“ – 17. февруари 2017

Охрид, 17. февруари 2017 (ОХРИДПРЕС) – OhridPress го започна проектот „Охрид во 10“, во рамките на кој Ви нуди дневна фотографија од Охрид снимена од една точка, која го прикажува во неговата комплетна раскош и убавина.

– Идејата е да го видиме Охрид од една точка на сонце, снег, дожд, по убаво и по лошо време, како потврда за неговата безвременска убавина. Одбравме една точка која е исклучително препознатлива и го прикажува токму онаков каков што е – древен и прекрасен, но во исто време град во кој живеат луѓе кои се нераскинлив дел од светот и модерниот начин на живот. Исто така ќе се регистрираат и најважните настани кои го одбележале секој ден и ќе биде како еден календар на живеењето на градот во 2017-та година. Сакаме на крајот сетоа тоа да го издадеме и во групна – принтана форма, но за тоа на крајот на следната година, велат од Супер радио, кои се носители на проектот.

IMG_8343
Охрид во 10 на 17.02.2017 година

Проектот „Охрид во 10“, покрај на Facebook, веќе доби и сопствена веб страна, а фотографиите секој ден ќе бидат објавувани и на информативниот портал OhridPress. (Крај)

инфо: 17.02.2017 година

Нивото на Охридското Езеро е еден сантиметар над дозволениот минимум.

– По двата неуспешни обиди за избор на идејно решение, Акционерското друштво за изградба и стопанисување со станбен и деловен простор го избра архитектонскиот труд на „Радиус Архитекти“ од Скопје за изградба на првата катна гаража во Охрид.

– Промоција на туристичките потенцијали на Охрид на саем во Бугарија.

– Повик за аплицирање за Програма за мали грантови за 2017 година за еко градинките, детската градинка „Јасна Ристеска“ од Охрид – членка на националната мрежа на еко градинки.

– Верските објекти во охридско на мета на крадците, ограбена  црква во Лескоец.

– Лице од Кичево затекнато со дрога во Охрид.