Во Охрид ќе се организира Отворен ден за невработените и работодавачите
Охрид, 17. март 2015 (ОХРИДПРЕС) – Агенцијата за вработување на Република Македонија в петок ќе организира Отворен ден во Центарот за вработување во Охрид.
Според најавите, во рамки на оваа активност што ќе започне во 11:00 часот, ќе присуствува и директорот на Агенцијата за вработување на Република Македонија Влатко Поповски.
Отворените денови се организираат и во останатите македонски градови и имаат цел да ги запознаат невработените и работодавачите со мерките и програмите за вработување.
Во Охрид, вкупно 4.578 граѓани активно бараат вработување. Од охридскиот Центар за вработување велат дека во моментов нема доктори на науки кои активно бараат работа, туку само 53 магистри се пријавуваат редовно како невработени лица. (Крај)
извор: ОхридПрес фото: архива
@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука |