planina

Здружението „ЕДЕН“ со завршен настан во рамки на проектот „Заштита на природата во НП Галичица“

Охрид, 21. април 2017 (ОХРИДПРЕС) – Здружението за заштита на животните и животната средина „ЕДЕН“ организира завршен настан во рамки на проектот „Заштита на природата во НП Галичица: бајка или реалност“ поддржан прекуИПА 2 Механизмот за граѓанските организации.

Настанот ќе се одржи на 24 април, понеделник, со почеток во 12:00ч. во хотел Royal View Охрид.

Ќе се презентираат резултатите од проектот, а гАјман Ал Малла, раководител на Сектор за животна средина во Општина Ресен, ќе ја сподели и успешната приказна на Општината која преку добро владеење стабилно чекори по патот на одржливиот развој.

Освен на овие две теми, ќе се дискутира и за исходот од состанокот на граѓанскиот сектор со реактивната мисија на УНЕСКО.

Досега во рамки на проектот се спроведоа четири консултативни средби. Три од нив беа со засебни категории чинители – граѓани, граѓански организации и институции, а на последната консултативна средба беа поканети сите чинители заедно. (Крај)

извор: ОхридПрес фото: архива