sdsmnovstabohrid1

СДСМ Охрид:Мандатот на Бакрачески завршува како што започна – на штета на граѓаните

Охрид, 15. јуни 2017 (ОХРИДПРЕС) – Мандатот на локалната власт предводена од градоначалникот Никола Бакрачески, завршува на идентичен начин како што и започна – на штета на граѓаните, обвинуваат од ОО на СДСМ од Охрид.

– Без никаква јавна дебата, без ниту едно стручно мислење, без да се слушне ставот на граѓаните, локалната самоуправа во заминување на чело со Бакрачески го исече неколкудеценискиот дрворед на булеварот „Туристичка“.

Само за потсетување, кога во минатото се вршеше реконструкција на дрворедот на ул.„Димитар Влахов“, граѓаните беа активно вклучени во процесот преку јавна анкета на која охриѓани можеа да го кажат своето мислење за сечата на дрворедот.

Ваквото недемократско и своеволно однсеување на Бакрачески е уште една потврда дека Охрид и граѓаните на Охрид имаат итна потреба од промени.

Веќе наесен, Охрид ќе добие нова локална власт која што исто како и новата Влада предводена од СДСМ, ќе работи транспарентно, отворено, и исклучиво во интерес на Општина Охрид и нејзините граѓани, реагираат од ОО на СДСМ од Охрид. (Крај)

извор: СДСМ Охрид фото: ОхридПрес