Концерти на Хели Сиекинен и бендот Т.А.О вечерва на „Охридско лето“

Охрид, 22. јули 2017 (ОХРИДПРЕС) – Продолжуваат концертите во рамки на џез викендот на фестивалот „Охридско лето“.

Во терминот од 21:00 часот ќе настапи Хели Сиекинен од Финска, заедно со камерен оркестар. Таа започнала да учи хармоника кога имала само три години, а веќе на шест години е прогласена за победник на Финскиот хармоникашки шампионат.

Од 22:30 часот пак, вљубениците во џезот ќе уживаат во настапот на бендот Т.А.О. Годинава тие прославуваат три децении постоење и по втор пат се во Македонија, откако во 1988 година во Скопје одржаа успешен концерт.

И двата концерти ќе се одржат на летната сцена Долни сарај. (Крај)

извор: ОхридПрес фото: Охридско лето

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука