Во ученичкиот дом „Ванчо Питошески“ во Охрид има уште 41 слободно легло

Охрид, 25. јули 2017 (ОХРИДПРЕС) – Министерството за образование и наука ги објави прелиминарните резултати од конкурсот за прием на ученици во јавните ученички домови.

Во охридскиот ученички дом „Ванчо Питошески“ примени се вкупно 94 средношколци од прва до четврта година. Согласно конкурсот, предвидени беа 135 легла, што значи сега остануваат слободни уште 41 кревет.

По завршувањето на рокот за поднесување приговори, во четврток, 27-ми јули, ресорното минситерство ќе ја објави конечната листа на примени ученици во јавните ученички домови.

Доколку во некој дом останат непополнети сместувачките капацитети, електронското пријавување ќе биде активно од 28-ми јули до 4-ти август или се додека има слободни места. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука