Во Охрид денес температура до 32. степени, кон крајот на денот наоблачување
Охрид, 12. август 2017 (ОХРИДПРЕС) – Во текот на денот ќе дува засилен ветер, во западните делови од западен и југозападен правец, а во источните од јужен правец.
Попладне ќе има локална појава на пороен дожд и грмежи. Кон крајот на денот и во текот на ноќта на места процесите ќе бидат поинтензивни, локално и во форма на невреме со поинтензивен пороен дожд, силен ветер и можна појава на град, особено во североисточните делови.
УВ индексот ќе биде 9, а максималната температура ќе се искачи до 32. степени.
– Во недела ќе преовладува променливо облачно и свежо време со засилен северен ветер, а претпладне и со слаб локален дожд. Од понеделник ќе биде стабилно со постепен пораст на дневната температура, но во рамките на просекот за овој период од годината, информираат од УХМР Македонија. (Крај)
извор: Метео фото: архива
@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука |