Velosipedist

Руски велосипедисти ја тужат ВАДА

Онтарио, 13.септември 2017 (ОХРИДПРЕС) – Тројца руски велосипедисти поднесоа тужби против Светската анти-допинг агенција (ВАДА) и Ричард Мекларен, човекот кој ја предводеше истрагата околу рускиот допинг.

Кирил Свешников, Дмитри Страков и Дмитри Соколов тврдат дека канадскиот судија неправедно ги навел нивните имиња во допинг шемата, дека истрагата била спроведена брзо и дека истата била компромитирана.

Велосипедистите тужбата ја поднеле пред Врховниот суд во Онтарио, Канада.

Руските велосипедисти навеле дека им било забрането учеството на Олимписките игри во Рио де Жанеиро бидејќи нивните имиња биле спомнати во извештајот на Мекларен и дека тоа им ги нарушило угледот и репутацијата.

Тројцата пред Игрите во Рио безуспешно се обидоа случајот да го изложат пред Судот за арбитража во спортот. (Крај)

извор: Макфакс фото: архива