Со Портрет на Маринко Митков Охрид ќе го одбележи Светскиот ден на детската литература
Охрид, 27. март 2015 (ОХРИДПРЕС) – НУ Библиотека „Григор Прличев“ од Охрид, на 2-ри април традиционачно ќе го одбележи Светскиот ден на детската литература.
По повод одбележувањето на овој ден, ќе се одржи Портрет на творештвото и животот и делото на писателот за деца Маринко Митков. Писателот е роден 1941 година, а починал 2012 година.
– Според мене, ова име Маринко Митков има големо значење за придонесот за македонската литература за деца. Вистинска штета е што овој поет и писател за деца не го познаваат многумина, а неговите дела треба да се најдат дури и во првите редови на антологии за детска литература, кои се подготвуваат, смета поетот и писател Тоде Илиевски.
Илиевски за време на средбата ќе одржи реч за Маринко Митков. Поздравен реч ќе има директорката на библиотеката Александра Белевска.
Одбрани стихови ќе читаат Лилјана Мартинова и Мариче Боздоганова.
Настанот ќе биде на 2-ри април во Прличевата одаја на охридската библиотека, со почеток во 12 часот. (Крај)
извор: ОхридПрес фото: архива
@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука |