Marsenic

Марсениќ од наредната сезона во Фуксе Берлин

Скопје, 5. декември 2017 (ОХРИДПРЕС)Мијајло Марсениќ ја одработува последната година од договорот со РК Вардар, а од вчера е познато чиј дрес ќе го носи во сезоната 2018/2019.

Српскиот репрезентативец, кој имаше неколку понуди, меѓу кои и онаа на финансиски моќниот ПСЖ, се реши за бундеслигашот Фуксе од германската престолнина Берлин.Во исто време кога го промовираа Марсениќ, од германскиот клуб објавија дека во јануари Петар Ненадиќ ќе се пресели во Веспрем.

Марсениќ е уште еден играч на Вардар за кој уште сега се знае дека наредната сезона нема да го носи црвено-црниот дрес, Пред него договори со други клубови потпишаа Лука Циндриќ (Кјељце), Арпад Штербик (Веспрем), а заминува и тренерот Раул Гонзалес (ПСЖ). (Крај)

извор: Макфакс фото: архива