sednica2

Центарот за развој на југозападниот плански регион ќе финансира пет проекти во Охрид

Охрид, 5. декември 2017 (ОХРИДПРЕС) – По предлог на градоначалникот, советниците ја прифатија предлог одлука за одобрување за кофинансирање на проекти финансирани од Бирото за регионален развој, согласно програмата за рамномерен регионален развој за 2018 година.

Предвидено е да бидат реализирани пет проекти.

– Станува збор за реконструкција на кров на градинка „Развигорче“, промена на системот за греење во „Росица“, реконструкција на улицата „Коста Абраш“ која вклучува уредување на плоштадот „Табана“, изградба на пешачка патека од Саат кула до Св.Сава и изработка на проектно – техничка документација за реконструкција на улиците „Абас Емин“,  „7-ми ноември“ и патот до црквата Св.Атанасие во селото Горно Рамне, рече градоначалникот Стојаноски.

Овие проекти целосно ќе бидат финансирани од Ценарот за развој на Југозападниот плански регион. (Крај)

извор: ОхридПрес фото: ОхридПрес