Избор Охрид Хроника

Сообраќајка во Скопје – загина едно лице, охриѓанец се бори за живот

Скопје, 24. декември 2017 (ОХРИДПРЕС) – 23-годишен скопјанец загина, а негов врсник од Охрид е во животнозагрозувачка состојба по сообраќајката што се случила ноќеска во 03:13 часот во близина на Основното училиште „Кочо Рацин“ во Скопје.

Како што е наведено во полицискиот Билтен, во сообраќајката која се случила на булeварот „Мајка Тереза“, 23-годишниот скопјанец Д.С. управувајќи возило „БМВ“ со скопски регистарски ознаки удрил во столб.

Возачот, како и сопатникот, 23-годишниот А.Н. од Охрид, се здобиле со тешки телесни повреди и биле пренесени во Ургентниот центар, каде околу 03:50 часот Д.С. починал, а А.Н. е во животно загрозувачка состојба. (Крај)

извор: МВР фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука