Акцијашите од „Брег на младоста“ во акција (Фото)

Охрид, 25. мај 2018 (ОХРИДПРЕС) – Акцијашите од клубот „Брег на младоста“ денеска спроведоа акција за средување на дворот и околината на црквата „Св.Троица“ во населбата Црногорци, каде во недела ќе се одржи народен собир и литургија по повод празникот Духовден.

– Нашата акција ќе продолжи и во понеделник, кога ќе помогнеме во расчистувањето на околината на црквата по големиот народен собир, велат од „Брег на младоста“.

Како возврат за оваа  помош, црковниот одбор ќе уплати средства на сметката за донации за помош на 10-годишната Ева, која боледува од леукемија и итно треба да замине на операција во Германија. Во деновите од викендот, членови на клубот ќе бидат во маркетите „Тамаро“, ќе им помагаат и ќе ги анимираат купувачите да донираат средства. (Крај)

извор: ОхридПрес фото: ОхридПрес

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука