sugarevskiavtopat

Сугарески: Автопатот Кичево – Охрид готов до јуни 2021 година

Охрид, 10. јуни 2018 (ОХРИДПРЕС) – Министерот за транспорт и врски, Горан Сугарески, денес изврши увид во градежните работи за изградба на автопатот Кичево – Охрид.

Тој изврши обиколка на целата траса каде се одвиваат градежните работи. Од разговорите со Надзорниот орган, се констатираше дека се надминуваат наследените проблеми поврзани со изградба на осумтте клучки и алтернативни патишта кои недостасуваа со претходниот проект, состојбата со изгрaдба на тунелот, изведбата на косините и обезбедување на свлечиштата.

avtopatkicevoohrid1Во изјава за медиумите, министерот Сугарески нагласи дека градежните работи се интензивираат и дека во наредниот период се очекува засилени активности на терен за да може да се испочитува рокот на изградба на автопатот до месец јуни, 2021 година. Исто така тој потенцираше дека поради слабата реализација на овој проект што се јави како резултат на катастрофалните грешки во проектите, истиот има негативно влијание врз стапката на раст на градежниот сектор.

– Сите овие проблеми што ги спомнав за автопатот Кичево – Охрид, како и слабата реализација на терен од страна на компаниите, беа реална причина да има забавување  на работите на терен со што силно влијаеше врз намалување на стапката на раст на нискоградбата и генерално врз БДП-то. Но градежните работи тргнуваат со позасилено темпо, на терен ги разрешуваме сите наследени проблеми, градежните компании ја акивираа својата механизација, така да силно сме уверени дека градежништвото ќе го вратиме на  посакуваниот правец а тоа се двоцифрени стапки на раст, изјави министерот за транспорт и врски Горан Сугарески.

avtopatkicevoohrid2Тој нагласи дека во наредниот период очекува надминување на сите состојби на целата траса и да се продолжи со изградбата на овој капитален проект кој е од огромно значење за сите граѓани  се со цел да се испочитува рокот предвиден со Анексот на Договорот.

Автопатот Кичево-Охрид е со должина од 57 километри и проценета инвестиција од 374 милиони евра. Крајниот рок за изградба е 30-ти јуни 2021 година. (Крај)

извор: ОхридПрес фото: архива