Мендух Тачи излетал со автомобил во близина на Охрид

Охрид, 19. септември 2018 (ОХРИДПРЕС) – Лидерот на Демократската партија на Албанците Мендух Тачи вчера попладне имал сообраќајна несреќа откако возилото во кое се возел излетало од патот на десетина километри од Охрид во близина на охридскиот аеродром, јави порталот Плусинфо, откако им била потврдена информацијата од партијата.

Возилото во кое Тачи бил возен од друг возач од засега неразјаснети причини излетал од патот.

Од партијата велат дека Тачи е добар и оти се здобил со мали повреди на нозете и оти немало потреба од медицинска интервенција.

Сообраќајната несреќа се случила вчера попладне кога лидерот на ДПА се враќал од посетата на Тирана, каде се сретна со претседателот на Албанија, Илир Мета. (Крај)

извор: Плусинфо фото: архива