Охрид, 30. ноември 2024 (ОХРИДПРЕС) – Сообраќајот на државните патишта се одвива непречено во зимски услови, по влажни коловози. Снег со слаб интензитет провејува низ цела Западна Македонија, додека во останатите делови врнежите се од дожд, информираат од Авто мото сојузот на Република Македонија (АМСМ).
Поради снежни врнежи има забрана за движење на тешки товарни возила на патните правци:
Маврово-Дебар
Гостивар-Кичево
Кичево-Охрид
Битола-Ресен
Плетвар
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
Од АМСМ препорачуваат прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово-Велес, Маврово-Дебар-Струга, Виница-Берово и Кочани-Делчево. (Крај)
извор: АМСМ фото: ОхридПрес
