Охрид, 20. март 2018 (ОХРИДПРЕС) – Повремени врнежи од дожд, а на планините снег, најавуваат за утре од УХМР. Повеќе врнежи ќе има во северозападна Македонија каде локално ќе наврнат над 15 л/м 2.

Од четврток подрачјето на Македонија ќе биде под влијание на студена воздушна маса која ќе предизвика облачно време со повремени врнежи од снег, а во крајниот југоисточен дел од дожд. Локално ќе има услови и за појава на замрзнат дожд. Најмногу врнежи ќе има во четврток, кога на повеќе места се очекува да наврнат околу 20 л/м 2.

Во поголем дел од земјава ќе се формира помала снежна покривка, а на планините значително ќе се зголеми. Постепено затоплување ќе има од недела во текот на денот, кога врнежите ќе бидат претежно од дожд. (Крај)

извор: УХМР фото: ОхридПрес