Струга, 28. септември 2022 (ОХРИДПРЕС) – В недела, 2-ри октомври, во холот на Центарот за култура „Браќа Миладиновци“ во Струга, ќе се одбележи 160 годишнината од смртта на македонските преродбеници Димитрија и Константин Миладинови.

– Настанот е со почеток во 18:00 часот, а ќе биде промовирана монографијата на Ристе Миладин – Јубилејна монографија 1968-2008-2018 50 години театарска дејност, 10 години Драмско студиот „Миладин“ и збирката песни на Христијан Миладинов – „Под месечината“, информираат од Центарот за култура.

Промотори на монографијата се проф. д-р Иван Додовски, проф. д-р отец Стефан Санџакоски и Димитрие Дурацоски, додека на збирката песни проф. Билјана Мартиноска.

Предвидена е и културно забавна програма, а влезот ќе биде слободен. (Крај)

извор: ОхридПрес фото: архива