Охрид, 7. март 2018 (ОХРИДПРЕС) – До 15-ти март е продолжен рокот за поднесување трудови за учество на конференцијата „Применети компјутерски технологии“.

Универзитетот за информатички науки и технологии „Св. Апостол Павле“ од Охрид во периодот од 21-ви до 23-ти јуни ќе биде домаќин на оваа конференција, која се организира првпат и е во соработка со Техничкиот универзитет од Варна, Бугарија. Ќе понуди размена на научни согледби од најновите научни трендови, а ќе учествуваат еминентни научници од земјава и од светот.

Трудовите што ќе бидат селектирани ќе бидат објавени во соодветен електронски зборник. Со својот интердисциплинарен карактер таа е отворена за професори, истражувачи, студенти од техничките области, но и од хуманистичките науки и уметностите. (Крај)

извор: ОхридПрес фото: архива