Охрид, 6. декември 2024 (ОХРИДПРЕС) – Изборот на пијалоци кои ги консумираме има значително влијание врз здравјето на кожата. Некои ја хидрираат кожата и помагаа во одржувањето на нејзиниот сјај, додека други се преполни со шеќер, хемикалии и адитиви кои го забрзуваат стареењето и ја оштетуваат еластичноста на кожата.

Дерматолозите посочуваат кои пијалоци треба да ги избегнуваме ако сакаме да ја одржуваме нашата кожа здрава и да го спречиме предвременото стареење.

Газирани пијалоци со многу шеќер

Газираните сокови се познати по нивното штетно дејство по здравјето и сериозно влијаат на кожата. Хемикалиите како фосфор, калиум и кофеин ги повлекуваат минералите од коските и ги оштетуваат клетките на телото. Покрај тоа, диеталните сокови, иако немаат шеќер, содржат штетни хемикалии кои можат да предизвикаат предвремени брчки и воспаленија. Гликозата и фруктозата во овие пијалоци го оштетуваат колагенот и еластинот во кожата. Овие соединенија ја отежнуваат регенерацијата на кожата, што придонесува за создавање брчки и дехидриран изглед. Експертите ја препорачуваат водата како најдобар избор.

Преработени кафиња

Кафето можеби е дел од вашата утринска рутина, но обработените кафиња, кои се полни со шеќер и адитиви, се исклучително лоши за кожата. Овие кафиња се полни со токсини кои ја сушат кожата, особено ако се консумираат често. Кофеинот во овие пијалоци може да и ја одземе еластичноста и природниот сјај на кожата. Ваквите кафиња често содржат сирупи, вештачки бои и масти кои дополнително ја влошуваат дехидрацијата на кожата. За поздрава алтернатива, експертите препорачуваат црно кафе, кое дава енергија без вишок калории и штетни состојки. Црното кафе е едноставен, здрав и нискокалоричен избор кој помага да се зачува еластичноста на кожата.

Ладен чај

Друг популарен пијалок кој може негативно да влијае на кожата е ладен чај, особено кога е многу засладен. Прекумерното внесување на рафиниран шеќер предизвикува внатрешно оштетување на колагенот и еластинот во кожата, создавајќи напредни финални производи за гликација (AGEs). Овие оштетувања ја намалуваат цврстината и еластичноста на кожата, правејќи ја подложна на дехидрација и формирање на брчки. Како алтернатива се препорачува конзумирање на овошје кое може да ја задоволи желбата за слатко и во исто време да ја хидрира кожата поради високата содржина на вода. (Крај)

извор: index.hr фото: index.hr