Рим, 23. април 2017 (ОХРИДПРЕС) – Лацио оваа сезона нема да успее да се пласира во Лигата на шампионите, но сака да го засили својот тим во летниот преоден рок за повисоки дострели  во следниот шампионат од Серија А.

Управата на „лацијалите“ сака да испрати понуда до капитенот на холандскиот клуб Ајакс, Дејви Класен.Тој игра одлично оваа сезона, еден е од носителите на играта на холандскиот тим, а за него интерес покажуваат и неколку германски тимови, како Шалке 04, Хофенхајм и Лајпциг.

Лацио ќе му понуди 15 милиони евра за неговите услуги на Ајакс ,а самиот фудбалер би добил четиригодишен договор и плата од 3 милиони евра по сезона. (Крај)

извор: Спорт ТА фото: архива