Охрид, 30. мај 2018 (ОХРИДПРЕС) – Вклучување на Локалната самоуправа во одбележувањето на ликот и делото на загинатите бранители. Со вакво барање излегоа претставниците на Здружението на фамилиите на загинатите припадници на вооружените сили на Македонија „ Херои на Македонија 2001-2015“.

Тие остварија средба со градоначалникот Јован Стојаноски и началникот на СВР Охрид, Сашо Смилески.

На средбата било договорено општината да организира меморијален турнир во мал фудбал кој ќе го носи името на загинатиот бранител Благојче Крстаноски од селото Ливоишта, а здружението до охридскиот совет да достави барање за покренување на постапка, една улица да го носи неговото име.

Локалната самоуправа традиционално и годинава ќе го поддржи традиционалното дружење на семејствата на бранителите кое ќе се одржи од 24-ти јуни до 1-ви јули во одморалиштето на МВР во Охрид. (Крај)

извор: ОхридПрес фото: Општина Охрид