Вашингтон, 5.мај 2017 (ОХРИДПРЕС) – Кошаркарите на Голден стејт сигурно чекорат кон финалето од Западната конференција откако синоќа славеа со 115-104 против Јута и во вториот натпревар,  поведувајќи со 2-0 во серијата.

Голден стејт до триумфот беше предводен од Кевин Дурант со 25 поени и 11 скока, а одлични беа и Стеф Кари со 23 поени како и Грин со 21 поен.

Кошаркарите на Вашингтон на свој терен го победија Бостон со убедливи 116-89 и намалија во серијата на 2-1.Кај домаќините најдобар беше Џон Вол со 24 поени, а одлични беа и Бојан Богдановиќ со 19 поени и 10 скока, како и Гортат кој дуелот го заврши со „дабл-дабл“ од 13 поени и 16 скока. (Крај)

извор: Спорт ТА фото: архива