Торонто, 20. јануари 2018 (ОХРИДПРЕС) – Второпласираниот тим на Истокот, Торонто Репторс, продолжува со одличните игри на домашен терен, откако синоќа по доста неизвесен натпревар успеа да слави над некогашниот шампион, Сан Антонио Спарс.
Репторси до оваа 29. овосезонска победа стигнаа благодарение на одличните втори 12 минути, во кои направија разлика (27-19) која на крај се испостави како недостижна за искусните, Џинобили, Паркер, Гасол…
https://youtu.be/3Lz6Qtzw8tM
Ловри со 24 и ДеРозан со 21 поен беа најпрецизни во редовите на победничката екипа, додека кај Сан Антонио прв поентер беше Олдриџ со 17 поени, Гасол постигна 15, а Милс 12.
Кошаркарите на Њујорк Никс го направија најголемото изненадување од синоќешната програма на НБА лигата, откако на гости славеа кај Јута Џез со 115-117. Хардавеј со 31 поен беше најзаслужен за овој триумф на Никси, додека кај „џезерите“ се истакна Гоберт со 23 поени.
https://youtu.be/uo9HQV5dq60
Резултати: Торонто – Сан Антонио 86:83, Бруклин – Мајами 101:95, Детроит – Вашингтон 112:122, Мемфис – Сакраменто 106:88, Денвер – Феникс 100:108, ЛА Лејкерс – Индијана 99:86, Јута – Њујорк 115:117. (Крај)
извор: Гол.мк фото: архива
