Охрид, 8. февруари 2018 (ОХРИДПРЕС) – Денеска во Охрид ќе биде презентиран проектот „Регионот Охридско езеро – Безбедна дестинација за авантуристички туризам”.
Според најавите на настанот ќе се обрати градоначалникот на Охрид, проф. д-р Јован Стојаноски, заменик градоначалникот на Поградец, Авдула Цано, координаторот на програмата за прекугранична соработка при Делегацијата на Европската унија, Елвис Али, претседателот на Црвен крст Охрид, Сашо Точков и други.
Презентација на планираните проектни активности ќе одржи Антонио Додевски, проектен менаџер.
Настанот ќе се одржи во големата сала на општина Охрид, со почеток во 13:00 часот.
Проектот е финансиран од Европската Унија, ИПА 2 програмата за прекугранична соработка, а ќе биде имплементиран од: National Center fot Environment, Tourism and Sustainable Development од Поградец, Република Албанија. (Крај)
извор: ОхридПрес фото: архива
