Охрид, 9. декември 2024 (ОХРИДПРЕС) – Информацијата дека охридската оперска дива Миланка Новеска од следната година ќе биде дел од хорот Eric Ericsons Kammarkör, апсолутниот врв меѓу професионалните ансамбли е помеѓу најкоментираните деновиве на Facebook профилот на OhridPress.

– За генерации шведски и меѓународни композитори, Камерниот хор на Eric Ericsons е идеален ансамбл со својот типичен „нордиски“ звук и далекусежната виртуозност. На светската сцена, Eric Ericsons Kammarkör припаѓа на апсолутниот врв на професионални ансамбли со бројни награди освоени низ годините. Од 2003 година, Камерниот хор на Ерик Ериксон има плодна соработка со Royal Philharmonic и the Stockholm Concert Hall. Со нетрпение очекувам да работиме и да настапуваме заедно, порача Миланка.

Охриѓанката Миланка Новеска-Gustavsson сигурно го изоди патот од некогашното „чудо од дете“ со ангелски глас, до вистинска оперска дива.

Читателите на OhridPress со максимална и безрезервна поддршка и честитки за Новеска, за која велат дека е гордост на градот и дека треба соодветно да се поддржи. Дел потенцираат дека квалитетот секогаш се цени и дека пред неа се уште поголеми успеси. Во 2013 година нејзиниот Охрид и’ ја додели Повелбата „Свети Климент Охридски“. (Крај)

извор: ОхридПрес фото: ОхридПрес