Кливленд, 26. јануари 2018 (ОХРИДПРЕС) – Леброн Џејмс и Стеф Кари ги одбраа своите тимови за Ол-стар натпреварот, „Кралот” бираше прв и го украде Кевин Дурант од Стеф Кари, а го одбра и Кајри Ирвинг со кого немаше добар однос во Кливленд.
Познати се тимовите за Ол-стар натпреварот кој на 18. февруари ќе се одигра во Лос Анџелес. Леброн Џејмс и Стеф Кари го направија првиот историски драфт, кој за жал не беше емитуван на ТВ со образложение дека некој од играчите може да биде навреден и засрамен доколку биде одбран последен.
Леброн Џејс откако доби најмногу гласови, прв избираше кога беа во прашање стартерите, и „Кралот“ го искористи ова за да „украде“ Кевин Дурант од Стеф Кари.
Покрај КД, ѕвездата на Кливленд како стартери го одбра и дуото од Њу Орлеанс, Ентони Дејвис и Демаркус Казинс, како и неговиот поранешен соиграч со кого не беше во добар однос, Кајри Ирвинг.
Стеф Кари во својата стартна петорка ги одбра Џејмс Харден, Демар Дероузан, Јанис Антетокумпо и Џоел Ембид. Резерви во тимот на Леброн се Бредли Бил, Џон Вол, Расел Вестбрук, Виктор Оладипо, Кристапс Порцингис, Кевин Лав и Ламаркус Олдриџ.
Резерви во тимот на Кари пак се Дамјан Лилард, Џими Батлер, Клеј Томпсон, Кајл Лоури, Дрејмонд Грин, Карл Ентони Таунс и Ал Хорфорд. (Крај)
извор: МКД.мк фото:архива
