Охрид, 26. април 2018 (ОХРИДПРЕС) – Културно – уметничкото друштво „Охриѓанка“ од Охрид в недела, 29-ти април, ќе го одржи традиционалниот годишен концерт.

Концертот ќе се одржи во Центарот за култура „Григор Прличев“ со почеток во 18:00 часот, а влезот е 50 денари.

КУД “Охриѓанка” постои од 2006 година. Во состав на друштвото влегуваат група за народни ора, детска група за народни ора, оркестар и музичка школа за млади таленти.

Во досегашното постоење друштвото има учествувано на бројни домашни и меѓународни фестивали. (Крај)

извор: ОхридПрес фото: архива