Охрид, 2. декември 2021 (ОХРИДПРЕС) – За дополнителни два сантиметри во однос на вчера зголемено нивото на водата во Охридското Езеро.

Според денешните мерења на Управата за хидрометеоролошки работи на Република Македонија (УХМР), водата е на кота од 693,20 м.н.в, што е за 12 сантиметри под просечното ниво за овој месец (693,32 м.н.в), односно 10 сантиметри над дозволениот минимум. Со ова езерското ниво ја надмина природната кота (693,17 м.н.в). Температурата на езерската вода, измерена утрово е 10 степени, што е за 0,8 степени повисока од просекот за овој период од годината.

Минатата недела езерото беше на минимално дозволената кота, но за шест дена нивото се покачи за 10 сантиметри. Во Охрид денес сончево време со мала до умерена облачност, поголема во западните делови. Ќе дува слаб до умерен, а попладне на места засилен ветер од јужен правец. Mаксималната температура во Охрид ќе се искачи до 10. степени.

– Утре ќе преовладува променливо облачно време, попладне со локални врнежи од дожд, а за време на викендот во поголем дел од земјава ќе биде суво. Врнежи на повеќе места повторно ќе има од недела кон крајот на денот и во првите два дена од работната седмица. Локално врнежите ќе бидат пообилни, а на планините и на некои повисоки места ќе преминуваат во снег. Во вторник кон крајот на денот снег ќе врне и на некои пониски места, информираат од УХМР. (Крај)

извор: ОхридПрес фото: ОхридПрес/УХМР