Охрид, 1. декември 2021 (ОХРИДПРЕС) – Водостојот на Охридското Езеро за 24 часа порасна за три сантиметри, благодарение на врнежите од дожд и снег.

Според денешните мерења на Управата за хидрометеоролошки работи на Република Македонија (УХМР), водата е на кота од 693,18 м.н.в, што е за 14 сантиметри под просечното ниво за овој месец (693,32 м.н.в), односно 8 сантиметри над дозволениот минимум. Со ова езерското ниво ја надмина природната кота (693,17 м.н.в). Температурата на езерската вода, измерена утрово е 10 степени, што е за 0,8 степени повисока од просекот за овој период од годината.

Минатата недела езерото беше на минимално дозволената кота, но за пет дена водостојот се покачи за цели 8 сантиметри.

Врнежи од дожд се очекуваат и наредниве денови што ќе се одразат на дополнително зголемување на езерското ниво.

Во Охрид денес студено утро, преку денот сончево со мала, а во западните делови со умерена облачност. Ќе дува слаб до умерен ветер претежно од западен правец.

Mаксималната температура во Охрид ќе се искачи до 5. степени.

– Денес и утре времето ќе биде стабилно со ниски утрински температури кои насекаде ќе се спуштаат под нула и ќе бидат во интервал од -10 до -2 степена. Од петок ќе преовладува променливо облачно време со повремени врнежи од дожд. На планините и на некои повисоки места врнежите повремено ќе преминуваат во снег, информираат од УХМР. (Крај)

извор: ОхридПрес фото: ОхридПрес/УХМР