Охрид, 2. февруари 2022 (ОХРИДПРЕС) – Додека во јануари се одржуваше околу просекот, нивото на Охридското Езеро сега е далеку под февруарскиот просек.

Според денешните мерења на Управата за хидрометеоролошки работи на Република Македонија (УХМР), водата е на кота од 693,33 м.н.в, што е за 16 сантриметри под просекот за февруари (693,49 м.н.в), односно 23 сантиметри над дозволениот минимум (693,10 м.н.в). Температурата на езерската вода измерена утрово е 5,5 степени, за степен пониска од месечниот просек.

Во Охрид денес променливо облачно и студено време со сончеви периоди.

Максималната температура во Охрид ќе се искачи до 4. степени.

– Во четврток ќе преовладува променливо облачно и студено време со слаб локален снег и ќе дува засилен северен ветер, особено во источните делови. Од петок времето ќе биде стабилно со ниски утрински температури, а дневните ќе бидат во пораст, информираат од УХМР. (Крај)

извор: ОхридПрес фото: ОхридПрес/УХМР