Струга, 15. јуни 2023 (ОХРИДПРЕС) – Професионалниот велосипедист, стружанецот Димитар Јованоски е прв македонец што има потпишано за континентален тим, па деновиве учествува на престижната велосипедска трка „Tour of Slovenia”.

Тој е дел од континенталниот тим на „Adria Mobil”, што му овозможи учество на ваква Pro UCI трка. Се вози четири дена и вкупно над 800 километри.

Јованоски е долгогодишен шампион во планински и друмски велосипедизам, во јуниорска категорија. Се натпреварувал во триатлон, дуатлон, а сега се одреди само за друмски велосипедизам. Има 19 години и моментално студира во Словенија,а со велосипедизам се занимава од 13 годишна возраст. (Крај)

извор: ОхридПрес фото: архива