Избор Охрид ТОП ВЕСТИ Хроника

Вешти измамници од лице од Охрид одзеле 5.000 денари

Охрид, 10. февруари 2019 (ОХРИДПРЕС) – На 9-ти февруари оваа година, 65-годишниот Д.Д. од Охрид пријавил дека бил измамен од страна на две лица.

Ги Запознаваме Ретките Болести

– Инцидентот се случил на булеварот „Туристичка“, каде му пристапило едно лице кое се претставило дека е од Радовиш и му рекло дека имало сообраќајна незгода со друго лице од Израел и дека сака да му биде сведок, додека му дава пари на другото лице. Заедно се упатиле кон местото каде требало да го почекаат наводниот Израелец. Но, лицето кое се претставило дека е од Радовиш му дало часовник на наводниот Израелец и заминало, како што рекло, да земе пари. Потоа, наводниот Израелец го довел во заблуда пријавителот барајќи му 5.000 денари во замена за часовникот како гаранција дека ќе му ги врати парите бидејќи морал итно да оди во болница. Откако му ги дал парите, лицето заминало, а Д.Д. чекал некое време по што сфатил дека бил измамен. Се преземаат мерки за целосно расчистување на случајот, информираат од МВР. (Крај)

извор: МВР фото: архива