Забава Избор ТОП ВЕСТИ

Распишан конкурс за нови композиции на „Охрид фест 2019“

Скопје/Охрид, 18. март 2019 (ОХРИДПРЕС) – Организаторите на Меѓународниот фестивал „Охрид фест – Охридски трубадури“ распишаа конкурс за нови композиции, кои ќе бидат изведени на годинешното издание на фестивалот.

И годинава ќе имаме три фестивалски вечери и тоа Поп вечер 5-ти, Фолк вечер 6-ти и Интернационална вечер 7-ми септември, 2019 година.

Услови за учество:
– Да се испрати демо снимка и текст на Македонски јазик;
– Наслов на композицијата;
– Назнака за која фестивалска вечер е наменета песната (Поп, Фолк или Интернационална);
– Композициите да не бидат изведувани претходно;
– Податоци на авторите (име, презиме, авторската улога во тимот), електронска адреса и телефон за контакт.

– Новитет оваа година е што на фестивалот ќе се изберат двајца дебитанти кои ќе добијат можност да настапат на фестивалската сцена. Демо снимките од нивните композиции е потребно да бидат испратени со пропратни инструменти, пијано и гитара. Авторите своите композиции да ги испратат на електронските адреси: ohridfest.produkcija@gmail.com и grigorkoprov@yahoo.com. Конкурсот е отворен до 1-ви мај 2019 година, информираат организаторите.

Meѓународниот музички фестивал „Охрид фест-Охридски трубадури 2019“, гледачите ќе имаат можност да го проследат на директен телевизиски пренос. (Крај)

извор: ОхридПрес фото: архива

©OhridPress2019 Доколку преземете некоја содржина од оваа страница, во целост сте се согласиле со нејзините Услови за користење