ЕКОЛОГИЈА Избор Охрид ТОП ВЕСТИ

Се укинува забраната за движење во шуми

Скопје, 11. април 2019 (ОХРИДПРЕС) – Министерството за земјоделство, шумарство и водостопанство по барање на Јавното претпријатие „Национални Шуми” ја укинува забраната за движење во шуми која беше донесена на 29-ти минатиот месец.

Како што појаснуваат од надлежното министерство, одлуката за делумна забрана за движење во шума која беше донесена поради појавата на голем број шумски пожари, се укинува поради тоа што во моментов, согласно добиените информации од терен, нема активни пожари и нема опасност од појава на нови шумски пожари.

Министерството за земјоделство, шумарство и водостопанство инфомрира дека екипите од Државниот инспекторат за земјоделство, Шумската полиција и Државниот инспекторат за шумарство и ловство и во следниот период ќе ја следат состојбата на терен.

Од таму постетуваат на забраната за палење на стрништа, плевел и други растителни отпадоци во ловиштата и друг земјоделски отпад на земјоделско земјиште, како превентивна мерка за заштита од шумски пожари.

За непочитување на овие одредби се предвидува глоба во износ од 1.500 до 3.000 евра во денарска противвредност за прекршок на физичко лице. (Крај)

извор: skopje24.mk фото: архива

©OhridPress2019 Доколку преземете некоја содржина од оваа страница, во целост сте се согласиле со нејзините Услови за користење