Избор Локална самоуправа Охрид

Завршната сметка на општина Охрид за 2017 година пред градските советници

Охрид, 11. март 2018 (ОХРИДПРЕС) – Предлог-одлуката за усвојување на Годишниот извештај и завршната сметка на Буџетот на општина Охрид за минатата година е меѓу точките на дневен ред на седницата на градскиот совет, закажана за среда, 14-ти март.

Советниците ќе треба да се произнесат и за Извештајот за годишниот попис за 2017 година, како и за Предлог-одлуката за давање согласност на Годишниот план за вработување во општина Охрид за 2019 година.

На дневен ред се и предлог-одлуките за финансиското работење и завршните сметки на основните и средни училишта, како и на јавните претпријатија, методологијата за распределба на блок – дотацијата за основно и средно образование во општина Охрид и предлог-одлуката за усвојување на Годишниот извештај за реализација на Програмата за развој на Југозападниот плански регион.

Со обемниот дневен ред од 92 точки, опфатени се и точки од сферата на урбанизмот. (Крај)

извор: ОхридПрес фото: архива