Здравје Избор Охрид

ЦЈЗ: Поради временските непогоди дезинсекцијата ќе се изведе во среда, четврток и петок

Охрид, 25. јуни 2018 (ОХРИДПРЕС) – Согласно Законот за заштита  на населението од заразни болести, а врз основа на одлуката на Советот на Општина Охрид за спроведување на превентивна систематска дезинсекција на територијата на општина како општа противепидемиска мерка, од ЈЗУ Центар за јавно здравје Охрид информираат за измена во термините за предвидената дезинсекција.

– Се известуваат граѓаните кои одгледуваат пчели на подрачјето на општините Охрид, Дебрца, Вевчани, Дебар и Центар Жупа  дека поради најава на неповолни временски услови (ветар, дожд) за утрешниот ден, најавената теристичка (од земја) дезинсекција против комарци екипите на Центар за јавно здравје од Охрид ќе ја спроведат во деновите: 27.06.2018 година (среда), 28.06.2018 (четврток) и 29.06.2018 (петок) во периодот од 20:00 до 06:00 часот со апарат за ULV ладно запрашување. Со дезинсекцијата ќе бидат опфатени соодветни територии на општините Охрид, Дебрца, Вевчани, Дебар и Центар Жупа. Се молат пчеларите и пчеларските задруги да ги превземат соодветните мерки за заштита на на пчелите. За сите информации и прашања отворени се телефоните за контакт во Центарот за јавно здравје во Охрид: 046/231-881 и 046/230-231. (Крај)

извор: ОхридПрес фото: архива