Избор Култура Струга

Втор културен форум „Предание и континуитет“ во Струга

Струга, 8. август 2018 (ОХРИДПРЕС) – Од 3-ти до 5-ти август, во организација на Лигургиската заедница при манастирот „Рождество на Пресвета Богородица“ во Калишта, во Центарот за култура „Браќа Миладиновци” во Струга се одржа вториот културен форум „Предание и континуитет“ на тема Трансхуманизам.

Форумот работеше во три дебати: Во првата дебата „Надчовекот и трансчовекот: Сличности и разлики“ говореа проф. д-р Сенка Анастасова, проф. д-р Иван Џепароски и проф. д-р Ристо Солунчев, а модератор на дебатата проф. д-р Иван Додовски. Втората дебата носеше наслов „Технократските утопии на научната фантастика: За и против“ и во неа говорници беа проф. д-р Иван Додоски, д-р Атанас Чуповски, м-р Пантелеј Кондратјук и Крум Велков, а модератор м-р Калистрат Санџакоски. Во третата дебата со наслов „Невробиолошка киборгизација на човекот и креативната емоционалност на вештачката интелигенција – мит или стварност?“ говорници беа проф. д-р Стево Божиновски, проф. д-р Андреа Кулаков и м-р Валентин Велчев, а дебата ја модерираше м-р Љубинка Санџакоска.

Image may contain: 1 person, playing a musical instrument and indoor

Форумот кој беше исклучително интересен и значаен како за соодветната научна проблематика, така и за пошироката научна и стручна јавност, беше збогатен и со културна програма. Пред приссутните беше изведен концерт на неповторливиот маестро Јуриј Шишкин од Руската Федерација, музички вовед од Александар Коловски од Македонија и Ана Кришталева од Руската Федерација, музички вовед од Никола Ристевски, како и изложба на скулптури од академскиот скулптор Владимир Симоновски и изложба на уметнички фотографии на академскиот фотограф Таиса Санџакоска. (Крај)

извор: ОхридПрес фото: архива