Здравје Избор

Македонски кардиолози на најголемиот конгрес за интервентна кардиологија во светот

Охрид, 24. септември 2018 (ОХРИДПРЕС) – Кардиолози од ЈЗУ „Завод за Кардиоваскуларни заболувања“ од Охрид и универзитетеската Клиника за кардиологија од Скопје престојуваат на најголемиот конгрес од областа на интервентната кардиологија TCT 2018.

Конгресот секоја година се одржува во САД, а оваа година домаќин на настанот е градот Сан Диего во Калифорнија.

На овој годишен собир Кардиолошкиот Завод од Охрид го преставуваа д-р Никола Бакрачески, д-р Дејан Манчески и д-р Благоја Стефаноски од Охрид, а д-р Оливер Бушлетиќ ја преставуваше Клиниката за Кардиологија од Скопје. Нивното учество на конгресот беше заокружено со успешна презентација на интересни клинички случаи и техники на работа кои се применуваат во Охрид.

На ТСТ 2018 се презентираа најновите научни и технолошки достигнувања, како и техники на работа во областа на Интервентната кардиологија, на софистициран начин преку пренос во живо од различни операциони сали од повеќе реномирани центри во светот, но и преку дидактички лекции и интерактивни тренинзи, за кои државното здравство во Македонија се обидува да следи чекор и да ги применува.

Раководителот на Интервентната кардиологија во Охрид, д-р Никола Бакрачески одржа презентација на случаи на тема „Како не треба да се пристапува на коронарна бифуркација“. (Крај)

извор: ОхридПрес фото: архива