Избор Култура Охрид ТОП ВЕСТИ

„Дедо и внук“ од 10-ти декември во Центарот за култура „Григор Прличев“

Охрид, 9. декември 2019 (ОХРИДПРЕС) – Има ли цена и колку чини детскиот живот? Дали сенките на минатото секогаш и без исклучок не стигнуваат и го задаваат немилосрдниот удар? Вреди ли да се живее без љубов и без болка?

Охридскиот режисер Илија Пиперкоски многу одговори на овие прашања дава во неговото најново дело и негов прв долгометражен филм „Дедо и внук“. Пиперкоски, истовремено, е и сценарист на филмот. продуцент е Огнен Антов, директор на фотографија е Романецот Патру Паунеску, а монтажата ја направи Данчо Стефков. Главните улоги ги толкуваат Дејан Лилиќ, Салаетин Билал, Даниела Ивановска, Горан Стојаноски, Благој Веселинов и малиот охриѓанец Наум Цветкоски.

Image may contain: 1 person, indoor

Откако во петокот се бараше билет повеќе за премерата на ова маркантно дело, од утре, 10-ти декември, филмот е на редовниот репертор при Центарот за култура „Григор Прличев“ во Охрид.

Сите заинтересирани можат да го погледнат филмот во текот на следните две недели, а билетите ќе се продаваат по цена од 100 денари. Поради театарски претстави, филмот нема да се прикажува во среда и петок. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука