Избор Охрид ТОП ВЕСТИ Хроника

Турски државјани се обиделе да заминат од охридскиот аеродром со лажни израелски исправи

Охрид, 25. јануари 2020 (ОХРИДПРЕС) – Основното јавно обвинителство од Охрид поведе постапка против седум лица за сторено кривично дело „фалсификување исправа“, по член 378 став 3 во врска со став 1 од Кривичниот законик.

Од Обвинителството информираат дека осомничените турски државјани, кои се роднински поврзани, вчера на аеродромот во Охрид при презентирање на патните исправи за летот Охрид-Лутон користеле фалсификувани израелски пасоши. Со осомничените биле и две деца родени 2014 и 2006 година. Шест од осомничените со двете деца влегле во Република Македонија во текот на вчерашниот ден, од Република Албанија преку граничниот премин „Ќафасан“. Еден од осомничените во државата влегол на 19 јануари преку граничниот премин „Богородица“ од Република Бугарија.

Во насока на непречено водење на кривичната постапка, јавниот обвинител до Основниот суд Охрид достави предлог за определување на мерката притвор за петмина од осомничените, додека за две лица, мајки на децата, побара судот да определи мерки за претпазливост – одземање на патни исправи. (Крај)

извор: ОЈО Охрид фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука