Снежно соло ЕКО нуркање со „Акватек“ (Фото)

Охрид, 2. април 2020 (ОХРИДПРЕС) – Охриѓанецот Никола Паскали од Нуркачкиот центар „Акватек“ продолжува со ЕКО акциите во насока на подигнување на свеста кај граѓаните за чистата животна средина.

– Денес спроведов снежно соло ЕКО нуркање. Од езерото извадив автомобилска гума, фрагмент од тоалет шолја, стари мрежи, лименки, најлонски кеси, пластични шишиња, најразлични пакувања од храна, пластични чаши, стари реквизити за на плажа, текстил… СТОП ЗА ФРЛАЊЕ ОТПАД ВО ВОДИТЕ – апелира Паскали од центарот „Акватек“.

Периодов наназад, Паскали организираше бројни акции за чистење на дното на Охридското Езеро од ѓубрето кое неодговорни поединци го фрлаат во неговите води. (Крај)

извор: Никола Паскали фото: Никола Паскали

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука