Економија Избор Македонија ТОП ВЕСТИ

Ќе се формира фонд за туризам за помош на секторот по завршување на кризата

Скопје, 9. април 2020 (ОХРИДПРЕС) – Државата во наредните денови ќе формира фонд за туризам кој ќе работи во рамки на Министерството за економија и ќе има над два милиони евра на располагање за да им излезе во пресрет на угостителите, хотелиерите и туристичките агенции за надминување на проблемите што ги предизвика коронавирусот во овој сектор, најави Министерот за економија Крешник Бектеши.

Тоа, како што кажа во емисијата Топ тема, ќе се прави со директно субвенционирање откако ќе заврши кризата.

Бектеши: Нереални и неточни се бројките на Туристичко-угостителската комора

– Кризата ќе помине, а ние нема да ги оставиме работниците на улица. Државата ќе им излезе во пресрет. Како стопанственици и како држава треба да работиме напорно што повеќе да ги зачуваме работните места во нашата држава во услови на вонредна состојба. Тоа ќе биде добро за државата, но истовремено и за работодавачите зашто откако ќе заврши кризата тие повторно ќе треба да работат со истите луѓе – посочи Бектеши.

Веќе, нагласи тој, определивме 5,7 милиони евра за бескаматни кредити, а дополнително обезбедивме уште осум милиони евра за кои многу скоро ќе биде објавен јавниот повик.

– Веќе имаме над 700 апликанти од кои повеќето се од угостителскиот сектор за бескаматни кредити. Досега се одобрени 1,2 милиони евра за да им излеземе во пресрет на компаниите кои се најпогодени од кризата. Тоа покажува дека компаниите се заинтересирани за оваа мерка – посочи Бектеши. (Крај)

извор: Плус инфо фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука