ИЗБОР НА УРЕДНИКОТ Охрид Празници ТОП ВЕСТИ

Во Лагадин се одбележа празникот „Свети маченички Вера, Љуба, Нада и Софија“

Охрид, 30. септември 2019 (ОХРИДПРЕС) – Со присуство на бројни верници и со почитување на сите мерки за заштита од COVID-19, денес во малата црква во туристичката населба Лагадин се одбележа големиот христијански празник „Свети маченички Вера, Љуба, Нада и Софија“.

Ктиторот на овој мал верски објект Љупчо Патчев ја изгради малата црква пред 20 години, по повод одбележувањето 2000 години од христијанството. Секоја година на овој ден, верниците палат свеќи оддавајќи почит кон четирите маченички и молејќи се за здравје и благосотостојба на нивните блиски.

Трите сестри Љубов, Вера и Надеж и нивната мајка Софија заради својата вера и љубов кон Христа биле погубени. Тие живееле во првата половина на вториот век по Христос за време на владеењето на императорот Хадријан. Во овој период врз христијаните биле вршени големи прогони. Таа судбина ги снашло и Софија и нејзините три ќерки Љубов, Вера и Надеж. Биле измачувани затоа што одбиле да принесат жртви пред идолот на Артемида. Трите сестри биле измачувани пред очите на нивната мајка за потоа да им бидат отсечени главите.

Мајката Софија ги погребала телата на своите три ќерки и откако поминала три дена и ноќи во молитви над нивниот гроб, го предала својот дух на Бога. (Крај)

извор:ОхридПрес фото:ОхридПрес

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука