ИЗБОР НА УРЕДНИКОТ Спорт ТОП ВЕСТИ

Во август во Охрид два официјални пливачки маратони

Скопје, 12. април 2021 (ОХРИДПРЕС) – Претстојната летна сезона Охрид и Охридското Езеро ќе бидат домаќини на две големи пливачки манифестации од светски ранг во организација со Светската пливачка федерација (ФИНА).

На календарот официјални спортски пливачки манифестации на ФИНА во август на Охридското Езеро ќе се пливаат трката на 25 километри од Свети Наум до Охрид, како втора од распоредот светски маратонски трки на отворени води, како и олимписката дисциплина на 10 километри, седма по ред од серијата за бодување на ФИНА.

Популарно наречениот голем пливачки маратон е закажан за 21-ви август, додека десеткилометарската трка е на календарот една седмица подоцна на 28-ми август.

И двете трки се организирани во соработка на ФИНА со Пливачката федерација на Македонија. (Крај)

извор: Денешен фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука