Избор Македонија ОБРАЗОВАНИЕ

Царовска: Oваа учебна година беше предизвик на кој заедно успешно одговоривме

Скопје, 10. јуни 2021 (ОХРИДПРЕС) – Учебната 2020/2021 претставуваше предизвик на кој заеднички успеавме да одговориме, вели министерката за образование и наука Мила Царовскаво видео обраќање до наставниците, учениците и родителите за крајот на школската година.

– Учениците добија квалитетна настава и непрекинат воспитно-образовен процес, а нивното здравје, безбедност и благосостојба беа заштитени, што за сите нас претставуваше најголема грижа. Сето ова немаше да биде возможно без несебична поддршка и помош од наставниците и родителите, вели Царовска.

Таа истакна дека посебно е горда на учениците кои со ова беа најмногу засегнати. Иако наставата на училиште и непосредната комуникација со соучениците и наставниците тешко може да се заменат, тие работеа напорно и со наставата на далечина покажаа висока продуктивност и одлични резултати.

– Недостатоците во знаењата кои нужно се појавуваат поради условите во кои се одвива наставата, пандемијата, но и новите начини на учење, заедно ќе се обидеме да ги надминеме следната учебна година, со цел да овозможиме успешно школување и добра иднина за нашите деца. Благодарност за сè што направивте да го поддржите учењето од дома. Балансирањето на семејниот и професионалниот живот некогаш не е едноставно. Како родител на дете во основно училиште, свесна сум дека следењето настава на далечина беше уште еден семеен предизвик со кој сите се соочивме. Ви благодарам за покажаната посветеност и подготвеност за соработка, кои беа суштински дел од успешното спроведување на овој процес, изјави Царовска.

Министерката изрази благодарност и до сите учесници во воспитно-образовниот процес кој се реализираше со физичко присуство во училница, за доследното почитување на мерките за заштита на личното и јавното здравје, со што дадоа свој придонес за училиштата да не бидат трансмитери на заразата. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука