Охрид, 20. ноември 2021 (ОХРИДПРЕС) – По вчерашната акција за чистење на ѓубрето кај месноста „Паднати борци“ за која добија силна поддршка и од охридската локална самоуправа, Здружението „Енхелеус Лихнид“ со нова ЕКО акција – денеска се чистеше плажата кај Извиднички центар.

– Денес Енхелејците повторно извршија акција кај плажата кај Извиднички центар во населбата Далјан. Непрекинато нашиот бисер се огрдува со несовесноста и не грижата на дел од граѓаните. Почитувани жители на Охрид, Ве охрабруваме со иницијатива „Граѓанин полицаец“. Секој граѓанин каде што ќе забележи било каде депонија да слика и да ја прати локацијата кај нас во порака, па ние ќе преземаме иницијативи да се исчисти истата депонија, порачуваат од „Енхелеус Лихнид“.

извор: ОхридПрес фото: „Енхелеус Лихнид“