Избор Свет

Поради корона-кризата, отиде во стечај фабриката за производството на Моцарт чоколадните топчиња

Салцбург, 1. декември 2021 (ОХРИДПРЕС) – Компанијата „Салцбург чоколади“ од Гредиг, позната по производството на Моцарт топчињата, поднесе барање за стечај до провинцискиот суд во Салцбург.

Поради овој неочекуван крах, синдикатите заедно со работничкиот совет и раководството на компанијата, планираат да разговараат за состојбата и да ги информираат вработените.

Иако компанијата бележеше профит во изминатите години, минатата година пандемијата силно ја погоди, напиша директорот Кристијан Шигерл.

Поради значително намалениот број на туристи, настани и прослави, забележан е пад на продажбата на чоколадни производи, а исто така и Моцарт топчињата.

Падот на прометот од лани можеше само делумно да се компензира во новата деловна година, а покрај новите клиенти во извозот и државната помош во време на корона, и годинава ќе биде забележана огромна загуба поради минатото.

– Сегашниот локдаун и значителното зголемување на цените на суровините, енергијата, платите, трошоците за логистика, материјалите за пакување.. се дополнителни причини, додаде Шигерл, додавајќи дека на вработените не може да им се исплаќаат ноемвриските плати, како и божиќниот бонус.

Инаку, оваа компанија ги произведува „Chocolate Bobby“, „Maria Theresa Thaler“ и „Salzburg Confishers“. Компанијата е основана во 1897 година под името „Раизигл фабрика за слатки“ во градот Салцбург, а во 1956 година е преместена во Гредиг, објави германски Стандард. (Крај)

извор: Канал 5 фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука